នាថ្ងៃទី២៦ ខែមេសា ឆ្នាំ២០២៥ ឯកឧត្តម ខេង សិទ្ធិគុណ និងឯកឧត្តម អោក បូរ៉ា អគ្គលេខាធិការរងព្រឹទ្ធសភា បានអញ្ជើញនាំយកថវិការបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនក្រុមគ្រួសារសពឯកឧត្តម មួង ប៉យ សមាជិកព្រឹទ្ធសភាប្រចាំភូមិភាគទី៨ និងជាសមាជិកគណៈកម្មការទី៤ព្រឹទ្ធសភា ព្រមទាំងបានចូលរួមចាត់ចែងរៀបចំពិធីបុណ្យសពតាមប្រពៃណៃជាតិ នៅគេហដ្ឋានលេខ១៤៣ ផ្លូវ ក៣ ភូមិទេសអន្លុង សង្កាត់បឹងកន្សែង ក្រុងបានលុង ខេត្តរតនគិរី។
សូមជម្រាបថា ឯកឧត្តម មួង ប៉យ បានទទួលមរណភាព កាលថ្ងៃសៅរ៍ ទី២៦ ខែមេសា ឆ្នាំ២០២៥ វេលាម៉ោង ០៨:៣០នាទីព្រឹក ក្នុងជន្មាយុ ៧៤ឆ្នាំ ដោយរោគាពាធ។
រូបភាព៖ ក្រុមការងារអគ្គលេខាធិការរងព្រឹទ្ធសភា
ខ្លឹមសារ៖ នាយកដ្ឋានព័ត៌មាន
